Бидний тухай

“ОБ Пластик ” ХХК нь 2005 оны 3-р сарын 25нд гадаад худалдаа, сав баглаа боодлын үйлдвэрлэлийн үйл ажиллагаа явуулахаар 100% дотоодын хөрөнгө оруулалттайгаар хан-уул дүүргийн 011-р цэргийн ангийн грашд анх үйл ажиллагаагаа явуулахаар эхлэж байлаа.

Анх 10-аад ажилтантай 5 машинтайгаар гялгар уут үйлдвэрлэх ажлаа эхэлж байсан бол өдгөө 130-аад ажилтантай тоног төхөөрөмжийн шинэчлэлтийг жил бүр хийж 70-аад машин тоног төхөөрөмжтэй болж өргөжин 2011онд Улаанбаатар хот болон орон нутгийн 600 гаруй харилцагч байгууллагатай хамтран ажиллаж байсан бол 2018 оны жилийн эцэст энэ тоо 2000 гаруйд хүрсэн байна.

Манай хамт олон бүх төрлийн талх, нарийн боовны хэвлэлтэй болон хэвлэлгүй нийлэг уут, супермаркетын тор, ундаа усны багцлагч рулон, бууз банш болон бүх төрлийн бараа бүтээгдэхүүний гялгар уут, сав баглаа боодлыг хэрэглэгчдийнхээ хүссэн загвар, хэмжээ, сонголтоор захиалгаар үйлдвэрлэн нийлүүлж байна.

Бидний Хэтийн зорилго:

Хэрэглэгч, харилцагчидаа дээдэлдэг, Монголдоо эрүүл ахуйн шаардлагад нийцсэн гялгар уут, сав баглаа боодлыг үйлдвэрлэгч, борлуулагч, зах зээлд нэвтрүүлэгч тэргүүний компани болохыг эрмэлзэнэ.

Бидний эрхэм зорилго:

Олон улсын стандартад нийцсэн нийлэг сав баглаа боодлыг Монголдоо үйлдвэрлэж, сав баглаа, боодлын салбартаа тэргүүлэгч компани байхад оршино.

Бидний уриа:

Монголчууд бид чадна

Байгууллагын үнэт зүйл:

Чадварлаг, мэргэшсэн боловсон хүчин

Бидний давуу тал

Эрхэм харилцагч та бүхнийхээ итгэлийг зүтгэлээр хариулж, чанартай бараа бүтээгдэхүүн үйлчилгээг түргэн шуурхай нийлүүлэх болно.

Бидний амжилтын үндэс бол чанар юм

01. Дотооддоо үйлдвэрлэх болсноор таны цаг хугацаа болон гадагшаа чиглэсэн валютын урсгалыг хэмнэнэ.
02. Сүүлийн үеийн дэвшилтэт тоног төхөөрөмжийг үйлдвэрлэлдээ нэвтрүүлэн, мэргэшсэн боловсон хүчнээр хангагдсан учир уутанд чанарын баталгаа гаргана.
03. Улсын мэргэжлийн хяналтын лабораторт түүхий эд, бараа бүтээгдэхүүнээ жил бүр шинжилгээнд хамрагдуулан таны эрүүл мэнд аюулгүй орчин нөхцөлийг бүрдүүлсэн уутыг үйлдвэрлэнэ.
04. Таны захиалгыг түргэн шуурхай , чанарын өндөр түвшинд хийж гүйцэтгэнэ.
05. Таны захиалгат бараа бүтээгдэхүүний загвар дизайныг мэргэжлийн түвшинд сэтгэл ханамжийн баталгаатайгаар хийж гүйцэтгэнэ.
Он цагийн хэлхээс:
2004
2005
2006
2009
2010
2012
2014
2015
2016
2017
2019
2004

2004 оны хоёрдугаар хагасаас эхлэн 013-р цэргийн ангийн агуулах байсан хуучин барилгыг худалдан авч үйлдвэрийн барилгын ажлыг хийж эхэлсэн.

2005
  • 2005 он үйлдвэрийн барилгыг ашиглалтанд оруулж “ОБ Пластик” ХХК үүсгэн байгуулагдав.
  • Ажиллах хүч:  10 хүний бүрэлдэхүүнтэйгээр үйлдвэрлэлээ явуулж эхлэв.
  • Машин тоног төхөөрөмж : үлээх, хэвлэх, ламинатор, зүсэх, нугалах, 2 тал наах, 3 тал наах, торны, хоёрдогч торны гэсэн тус бүр нэг машинтайгаар ажлын гараагаа эхлүүлсэн
  • Анхны захиалга : ОБ чипс болон Сумоны уутыг үйлдвэрлэж эхэлсэн.
  • Анхны нэрийн бүтээгдэхүүн : Ундаа усны багц болон 9-н төгрөгийн тор
2006

Харилцагч нарын бүтээгдэхүүний хүргэлт /хот дотор/ болон өөрийн нэрийн бүтээгдэхүүний түгээлтийг хийж эхлэв.

2009
  • 3 давхар үйлдэрийн өргөтгөлийн барилга баригдав.
  • Стандарт тор буюу миний монгол, морьтой монгол,алим дэлхий торнуудыг үйлдвэрлэлдээ шинээр оруулсан.
  • Гуравдугаар улиралаас үлээх цехийг нүүлгэн ирүүлж үйлдвэрийн үйл ажиллагаа нэг лор төвлөрөв.
2010
  • 11-р сар – Түгээлтийн зориулалтын машин худалдаж авав.
  • Үлээх болон торны машинууд шинээр авч үйлдвэрийн хүчин чадлыг нэмэгдүүлсэн.
2012
  • 8 давхар оффисын барилга баригдав.
  • 9 өнгөөр хэвлэх хүчин чадал бүхий шинэ хэвлэх машин худалдаж авлаа.
  • Нийт ажилчдын тоо 40 гаруй болсон.
2014
  • Үлээх цехийн сендвичин шинэ барилга баригдав.
  • 2-р сар – Нийслэлээс зарласан тендерт оролцон шалгарч “Хоггүй Улаанбаатар” хогны ногоон уут үйлдвэрлэж эхлэв.
  • Монголдоо үйлдвэрлэв – үзэсгэлэнд оролцсон.
  • Бууз баншны болон хэвийн боовны бэлэн нэрийн бүтээгдэхүүн гаргасан.
2015
  • Үйлдвэрийн хүчин чадлаа нэмэгдүүлж 3-р сараас шинээр цаасан уут болон ёроолтой уутыг үйлдвэрлэн зах зээлд нийлүүлэв.
  • Үйлдвэрийн танилцуулах өдөрлөг зохион байгуулагдаж эхэлсэн.
  • Нийт ажилчдын тоо 80 гаруй болсон.
  • Тайвань улсын хамгийн сүүлийн үеийн дэвшилтэт тоног төхөөрөмжүүдийг үйлдвэрлэлдээ нэвтрүүлсэн
2016
  • Буяны тор, хүнсний уут, хогны таславчтай уут, эмнэлгийн хогны уут гэх мэт нэрийн бүтээгдэхүүн шинээр гаргасан.
  • Бүрэн автомат давхарлаж наах,  зүсэх машинуудыг  оруулж ирсэн.
2017
  • Түгээлтийн дахин нэг машин худалдаж авав.
  • Түүхий эд материалын агуулах 2 давхар склад шинээр нэмж барив.
  • Хэвлэх болон торны олон үйлдэлт машин худалдан авсан.
2019
  • “ОБ МАРКЕТ” нэрийн дэлгүүр шинээр нээгдсэн.
  • 4-р сарын 6 - Сонсголонд үйлдвэрийн шинэ барилга ашиглалтанд оров.
  • 4-р сар - Сонсголонгын үйлдвэрт өргөтгөл баригдаж эхлэв.
  • Бэлэг дурсгал болон гоёлын торнууд шинээр худалдаанд гарч эхэлсэн.
  • Нийт ажилчдын тоо 140 гаруй болсон.